Feministnarratives.com ले महिलावादि एजेन्डालाई अगाडि बढाउने विविध कथालाई महत्व दिन्छ र एकल पितृसत्तात्मक कथालाई अस्वीकार गर्दछ । यसले व्यक्तिगत र राजनीतिक क्षेत्रमा महिलाहरूको अनुभवलाई बढवा दिदै यौनिकतामा जोड दिइ बहु-पुस्ता सत्रहरू सञ्चालन गर्दछ ।
Feministnarratives.com ले धेरै कार्यशालाहरू, व्यक्तिगत भनाइ (लिखित र मौखिक दुवैमा) र दृश्य कागजातहरू मार्फत महिलावादि कथाहरू उत्पन्न गर्दछ । योगदानकर्ताहरूले यी कार्यशालाहरूमा आफ्ना कथाहरू ब्यक्त गर्दछन् र उनीहरूका कथाहरू उनीहरूको स्थानीय समुदायमा उनीहरूको संलग्नता र महिलावादी आन्दोलन, समानता र स्वतन्त्रताका एजेन्डाहरूको विकासमा रहेको सहभागिताको आधारमा छनोट गरिन्छ ।
महिलावादि कथा उत्पादन प्रक्रिया यस प्रकार रहेका छन् :
अभिलेखीय मान्यताहरू
उपलब्ध अभिलेखहरू प्रक्रियाको प्रत्येक चरणमा महिलावादि मूल्यहरूलाई आत्मसरण गर्दै सङ्कलन गरिएका छन् ।
प्रतिरोध र सक्रियताको इतिहासलाई पहिचान गर्दै: कागजातहरूले समुदायसँग संलग्न हुनको लागि एक दिशानिर्देशको रूपमा काम गर्नेछन्, यसले महिलावादि आन्दोलनको कठिन परिस्थितिहरू बुझ्न मात्र नभई सह-निर्माण पनि पहल गर्दछ ।
सहकार्य: लुमले महिलावादी कार्यकर्ताहरूको कथाहरू बाहिर ल्याउन व्यक्ति र संस्थाहरूसँग सहकार्य गर्दछ ।
संरक्षण: अभिलेखले महिलावादि मौखिक इतिहास कागजातहरू सुरक्षित गर्दछ जसले नेपालको महिलावादि आन्दोलनलाई बुझ्न मद्दत गर्दछ ।
प्रामाणिकता: योगदानकर्ताहरूले आफ्ना कथाहरू व्यक्त गर्दछन् र अभिलेखीकरणले कथामा रहेको ज्ञानलाई यसको मौलिक रूपमा संरक्षण गर्न भूमिका खेल्दछ ।
विविधता: अभिलेखले मानिसहरूको विविधतालाई र उनीहरूले आत्म-पहिचान छनौटलाई आत्मसात गर्दछ ।
सहमति र गोपनीयता: अन्तर्वार्ताहरू सञ्चालन भए पछि प्रशारण गर्नु परेमा व्यक्ति वा समुदायको सहमति पश्चात मात्र प्रसारित गरिन्छ।
सुरक्षित स्थान कायम राख्नुहोस्: Feministnarrative.com ले सुरक्षित स्थान सुनिश्चित गर्दछ जहाँ लैङ्गिक शक्ति गतिशीलता, मुद्दा र चुनौतीहरू खुला रूपमा छलफल गर्न सकिन्छ ।
एजेन्सी र ज्ञान स्वीकार: अभिलेखले समुदायलाई एक सामूहिक एजेन्सीको रूपमा पहिचान गर्दछ जसमा अवरोध सामना गर्न र अन्यायसँग लड्ने क्षमता हुन्छ ।
वकालत: महिलावादि मौखिक ऐतिहासिक अभिलेखहरू महिलावादि आन्दोलन उपकरणको रूपमा प्रयोग गर्न सकिन्छ ।
पहुँच: यी अभीलेखहरू गैर-व्यावसायिक प्रयोगको लागि आवश्यक पर्दा सबैले पहुँच गर्न सक्छन् ।