गीता विश्वकर्मा सर्लाही जिल्लाको लालबन्दी नगरपालिका–७ की दलित महिला वडा सदस्य हुनुहुन्छ। विद्यार्थी जीवनदेखि नै नेतृत्व र सामाजिक गतिविधिमा सक्रिय उहाँले विभिन्न सामाजिक संस्थामा सहजकर्ता र कर्मचारीका रूपमा काम गर्दै महिलाको सशक्तीकरण, बाल अधिकार तथा दलित समुदायको अधिकारका क्षेत्रमा योगदान दिनुभएको छ। निरन्तर अध्ययन, संघर्ष र सामाजिक सेवाबाट प्रेरित हुँदै उहाँ राजनीतिमा सक्रिय हुनुभयो र हाल निर्वाचित जनप्रतिनिधिका रूपमा दलित तथा महिलाको अधिकार, बजेट सुनिश्चितता र समुदाय सशक्तीकरणका लागि काम गरिरहनुभएको छ। उहाँको जीवनयात्रामा बाल संरक्षण संस्थाकी अध्यक्ष राधा घिमिरेबाट प्राप्त प्रेरणाले महत्वपूर्ण भूमिका खेलेको छ।