Category: Photo Archive

शान्ति दास धनुषा जिल्लाको जनकपुर उपमहानगरपालिका–१६ की दलित महिला वडा सदस्य तथा समाजसेवा फाउण्डेशनकी सचिव हुनुहुन्छ। मधेशी दलित समुदायबाट आउनुभएकी उहाँले बालविवाह, जातीय विभेद र सामाजिक चुनौतीहरू पार गर्दै शिक्षा, अध्यापन, सामाजिक परिचालन र राजनीतिमा सक्रिय नेतृत्व स्थापित गर्नुभएको छ। शिक्षिका तथा सामाजिक परिचालिकाका रूपमा काम गर्दै उहाँले दलित, महिला र विपन्न समुदायको सशक्तीकरणमा योगदान दिनुभएको छ। हाल निर्वाचित जनप्रतिनिधिका रूपमा उहाँ दलित तथा महिलामैत्री बजेट, समावेशी विकास र समुदायको अधिकार सुनिश्चित गर्न निरन्तर सक्रिय रहनुभएको छ।

किरण दास धनुषा जिल्लाको जनकपुर उपमहानगरपालिकाकी सामाजिक अभियन्ता तथा मधेशी दलित महिला अधिकारकर्मी हुनुहुन्छ। आर्थिक अभाव, जातीय विभेद र बालविवाहजस्ता चुनौतीहरू पार गर्दै उहाँले सामाजिक परिचालिका, शिक्षिका र समुदाय अभियन्ताका रूपमा काम गर्नुभएको छ। दलित तथा महिलाको सशक्तीकरण, बचत समूह निर्माण, प्रजनन स्वास्थ्य सचेतना र सामुदायिक संगठन निर्माणमा सक्रिय उहाँ हाल दलित महिलाको नेतृत्व विकास र अधिकार सुनिश्चित गर्न संस्थामार्फत निरन्तर काम गरिरहनुभएको छ।