शान्ति दास धनुषा जिल्लाको जनकपुर उपमहानगरपालिका–१६ की दलित महिला वडा सदस्य तथा समाजसेवा फाउण्डेशनकी सचिव हुनुहुन्छ। मधेशी दलित समुदायबाट आउनुभएकी उहाँले बालविवाह, जातीय विभेद र सामाजिक चुनौतीहरू पार गर्दै शिक्षा, अध्यापन, सामाजिक परिचालन र राजनीतिमा सक्रिय नेतृत्व स्थापित गर्नुभएको छ। शिक्षिका तथा सामाजिक परिचालिकाका रूपमा काम गर्दै उहाँले दलित, महिला र विपन्न समुदायको सशक्तीकरणमा योगदान दिनुभएको छ। हाल निर्वाचित जनप्रतिनिधिका रूपमा उहाँ दलित तथा महिलामैत्री बजेट, समावेशी विकास र समुदायको अधिकार सुनिश्चित गर्न निरन्तर सक्रिय रहनुभएको छ।